Föstudagskveðja

Vikan í Höfðaskóla gekk vel og hefur ýmislegt verið brallað. Veðrið hefur verið gott en kalt og nemendur verið talsvert úti við. 

 

Nemendur unglingastigs fóru á þriðju- og miðvikudag á Hvammstanga í listasmiðjur á vegum Listalestarinnar, þar unnu þau ýmis verk og enduðu á að halda listasýningu í félagsheimilinu þar í bæ. 

 

Nú um mánaðarmótin verða breytingar á starfsmannahópnum þegar Kristinn Rúnar hættir störfum sem húsvörður og Sigríður Björk tekur til starfa sem ritari. 

 

Í næstu viku er danskennsla hjá öllum nemendum og endar vikan á opnum tímum föstudaginn 5. maí sem við hvetjum foreldra/forráðamenn til að mæta í, tímasetningar þann daginn verða:

9:00-10:00 - 7. og 8. bekkur
10:00-11:00 - 9. og 10. bekkur
11:00-12:00 - 4. 5. og 6. bekkur
12:30-13:30 - 1. 2. og 3. bekkur

 

Enn og aftur er löng helgi framundan þar sem 1. maí er á mánudaginn.

Sjáumst hress á þriðjudag.

Við vonum að þið njótið helgarinnar.

 

Með góðum kveðjum

Sara Diljá og Guðrún Elsa