Prjónagleði
22.05.2018
Höfðaskóli tekur þátt í verkefni í samvinnu við Textílsetrið. Markmið verkefnisins er að auka þekkingu og innsýn nemenda í hversu samofin ullin og prjónaskapur er þjóðararfi og sögu landsins.
Nemendur prjóna í kennslustundum og frímínútum bæði í kennslustofum og á göngum skólans. Í verkið er notast við ull í fánalitunum og eru prjónaðir ca 20x20cm bútar og verða þeir svo settir saman í teppi. Allir bekkir koma að einhverju leyti að verkefninu. Verkið verður sýnt á Prjónagleði 2018 sem haldin er á Blönduósi og síðan mun það prýða súlu í Leifstöð.
Jóhanna Pálmadóttir forstöðumaður Textílsetursins heimsótti nemendur í 4.-10. bekk og þar með hófst verkefnið formlega.
