Fréttir

Bókasafn Höfðaskóla fékk á dögunum bókina um Litlu lundapysjuna, sem gefin er út á 12 tungumálum, gefins frá bókaútgefandanum. Systurnar frá Mánaskál, frænkur útgefandans, komu með bækurnar. Þökkum við kærlega fyrir þessa höfðinglegu gjöf sem á eftir að koma sér mjög vel.

Sæl kæru vinir og gleðilegt nýtt ár Skólastarfið fer vel af stað eftir gott jólafrí og gladdi það okkur að geta hafið kennslu án hafta almannavarna. Nemendur eru í óða önn að ljúka við þau verkefni sem þurfa að klárast fyrir annarlok og kennarar á fullu í námsmatsvinnu þar sem vorönn hefst 21.janúar. Nemendafélag Höfðaskóla tók formlega til starfa í dag, Gabríel Goði Tryggvason nemandi í 10.bekk var kosinn formaður og Elísa Bríet Björnsdóttir nemandi í 8.bekk var kosin ritari. Óskum við þeim velfarnaðar í starfi. Heldur blautt hefur verið undanfarna daga og við minnum á að mikilvægt er að nemendur komi vel klæddir í skólann. Gott er að hafa auka par af sokkum með í skólatöskunni. Að lokum minnum við á hafragrautinn góða sem Lilja töfrar fram á hverjum morgni og er í boði frá 7:45. Einnig er ávaxtastund á miðvikudögum og því ekki þörf á að koma með nesti þá daga. Við vonum að þið njótið helgarinnar Með góðum kveðjum Sara Diljá og Guðrún Elsa

Í vikunni bjuggu nemendur á miðstigi til andlitsstyttur og máluðu. Mjög vönduð og flott vinna. Nemendur munu síðan halda áfram með stytturnar í næstur viku. Fleiri myndir hér

Söfnuninni okkar til styrktar Neistans er nú lokið. Saman söfnuðum við 87þúsund krónum sem nú hafa verið lagðar inn hjá Neistanum. Krakkarnir fengu senda kveðju frá stjórn Neistans sem þau horfðu á í dag og þökkum við kærlega öllum þeim sem lögðu málefninu lið. Gleðileg jól

Heil og sæl Hér kemur síðasta föstudagskveðja ársins 2020. Senn er hið viðburðaríka 2020 á enda og margt sem hefur sett svip sinn á skólastarfið hjá okkur. Janúar og febrúar voru með rólegra móti. Veðrið lék okkur aðeins grátt sem hafði áhrif á skólahaldið. Við gerðum þó ýmislegt, unnum að umhverfissáttmála skólans og birtum hann á heimasíðu, yngsta stig hélt þorrablót, 112 dagurinn var haldinn 11. febrúar og fengum við skemmtilega heimsókn frá lögreglu, slökkviliði og björgunarsveitinni Strönd. 17. febrúar héldu nemendur í viðburðarstjórn Bingó þar sem allur ágóði rann til Krabbameinsfélags Austur Húnavatnssýslu. Í lok febrúar var svo öskudagurinn þar sem hinar ýmsu verur mættu í skólann og í lok febrúar var formlega tekið í notkun nýtt bókasafn Höfðaskóla.

Í morgun fóru nemendur skólans ásamt starfsfólki yfir í kirkjuna og hlustuðu á lestur úr bókinni hennar Ástrósar Elísdóttur okkar einnig var sungið og trallað. Þegar allir komu til baka í skólann var mynduð friðarkeðja og kærleiksljós látið ganga. Í hádeginu í dag var boðið uppá möndlugraut sem stýrurnar og Stína hrærðu.

Á morgun líkur söfnuninni okkar fyrir Neistann styrktarfélag hjartveikra barna. Í dag barst okkur framlag í söfnunina frá kvenfélaginu Heklu í Skagabyggð og þökkum við þeim kærlega fyrir.

Samningar hafa náðst við þá jólasveinabræður og þeir eru væntanlegir til byggða á Þorláksmessu til þess að bera út pakka og bréf. Þeir taka ekki annað í mál en að gæta sóttvarna og verða að sjálfsögðu með grímur og hanska. Þeir sem vilja nýta sér þjónustu þeirra geta hitt umboðsmenn þeirra við kennarainngang Höfðaskóla þann 21. desember kl. 18.00 – 20.00

Í dag var jólaföndurdagur í Höfðaskóla. Nemendur allra bekkja gátu þá flakkað um skólann og komið við á hinum ýmsu föndurstöðvum. Einnig var hægt að horfa á myndina Home alone í einni af kennslustofum unglingastigs. Krakkarnir skemmtu sér konunglega.

Þessir fögru jólasveinabræður skelltu sér til byggða í dag. Þegar þeir sáu mannlausa skólalóðina ákváðu þeir að álagsprófa leiktækin. Tækin stóðust álagið og vakti þetta uppátæki mikinn fögnuð nemenda Höfðaskóla sem stóðu út í glugga og fylgdust með hamaganginum.