24.09.2020
Nemendur á unglingastigi sem eru í hestavali fengu alíslenskt veður til útreiða miðvikudaginn 23.sept. Hinur ungu knapar létu það nú ekki á sig fá og brostu móti sól og snjó.
Lesa meira
23.09.2020
Í Höfðaskóla stendur nemendum og starfsfólki hafragrautur til boða alla morgna frá kl. 7:45.
Það er gott að setjast niður og eiga notalega stund saman á morgnanna og hefur grauturinn verið vel sóttur.
Lesa meira
23.09.2020
Skólinn fékk styrk frá Forriturum framtíðarinnar til að kaupa smáhluti til forritunarkennslu. Einn af þessum hlutum sem keyptir voru kallast Breakout EDU og er um að ræða kassa sem hægt er að læsa og nokkra lása, bæði talna og bókstafa. Nemendur þurfa síðan að leyta að vísbendingum til að geta leyst þrautirnar og opnað lásana.
Breakout í kennslu er ekki ósvipað því sem kallast "escape room" og er vinsæl afþreying víða um heim. Breakout er frábær leið til að vinna með mikilvæga lykilhæfni eins og samvinnu, lausnaleit, gagnýrna hugsun og samskipti. Breakout hentar öllum aldurshópum og er hægt að nota með hvaða námsefni sem er.
Nemendur á miðstigi voru svo heppnir að fá að vígja Breakout"ið" og var ansi mikið spjallað og pælt meðan verið var að leita lausna á hinum ýmsu þrautum og sigurhrópin sem bárust um skólann þegar tókst að skrá inn rétt og losa lás.
Lesa meira
22.09.2020
Fundarboð
Foreldrafélag Höfðaskóla, boðar til aðalfundar þriðjudaginn 6. október kl. 20:00 á kaffistofu skólans.
Dagskrá fundar:
- Skýrsla stjórnar og reikningar
- Kosning stjórnar
- Önnur mál
Sýnum lit og fjölmennum. Stuðningur foreldra við skólastarfið er dýrmætur og til góðs fyrir alla nemendur skólans. Minnum á sóttvarnir.
Ath. dagsetning getur breyst vegna Covid takmarkana.
Veitingar í boði félagsins.
Stjórnin
Lesa meira
17.09.2020
Nemendur á unglingastigi hafa síðustu tvær vikur verið í þemavinnu um vímuefni og skaðsemi þeirra. Eitt af verkefnunum var að útbúa heimasíðu með upplýsingum um algeng vímuefni. Síðuna má nálgast hér.
Lesa meira
17.09.2020
Heil og sæl
Áfram líða vikurnar og september rúmlega hálfnaður. Á morgun er starfsdagur hjá okkur, nemendur því í fríi og starfsfólk skólans mun sækja námskeið hjá Verndurum barna.
Frábær mæting var á haustfund á yngsta stigi sem er vel. Mið- og unglingastigi munu auglýsa sína haustfundi von bráðar.
Á þriðjudaginn s.l. fengum við þær Lóu og Lindu í heimsókn í tengslum við verkefnið hnýtum hugarflugur. Þær hittu nemendur í 3.-10. bekk og ýmist kynntu sig og sína starfsemi eða unnu lítil verkefni með nemendum. Mjög skemmtileg heimsókn.
Að lokum minnum við á ávaxtastundina okkar góðu, alla miðvikudaga. Ekki er þörf á að koma með nesti þá daga.
Við vonum að þið njótið helgarinnar
Með góðum kveðjum
Sara Diljá og Guðrún Elsa
Lesa meira
17.09.2020
Að segja sögu í orðum og myndum er leið til að breyta heiminum. Með einum blýanti er hægt að koma ótrúlegustu hugmyndum í átt að veruleika. En stundum getur líka verið gott að láta staðar numið og leyfa afrakstri hugmyndavinnu að njóta sín í skemmtilegri bók.
Rit- og myndhöfundarnir Linda Ólafsdóttir og Lóa Hjálmtýsdóttir komu í heimsókn og sögðu frá því hvernig þær vinna við sköpun bóka í orðum og myndum. Nemendur fengu að kynnast fjölbreyttum og skapandi aðferðum við að setja saman sögu og myndir. Farið var í leiki með hugarflug sem á sér engin takmörk. Nemendur fengu svo tækifæri til að búa til sína eigin myndasögubók.
Þökkum við þeim stöllum fyrir dásamlega heimsókn.
Lesa meira
17.09.2020
Fátt hefur mótað íslenska þjóð eins og náttúran. Íslendingar hafa aðlagað líf sitt samspili elds og ísa, dyntóttum veðurguðum og kröftugum sjávarföllum. Um leið hafa þeir notið alltumlykjandi náttúrufegurðar og haft lífsviðurværi sitt af ríkulegum gjöfum náttúrunnar.
Dagur íslenskrar náttúru er haldinn hátíðilegur 16. september ár hvert og að því tilefni fóru nemendur á yngsta stigi í göngutúr og skoðuðu sitt nánasta umhverfi.
Lesa meira
11.09.2020
Heil og sæl
Vikan í Höfðaskóla gekk vel, nemendur halda áfram að vinna að mörgum spennandi verkefnum.
Í næstu viku verður haustfundur á yngsta stigi, hann verður þriðjudaginn 15. september kl. 16:30 og við mælumst til þess að foreldrar/forráðamenn mæti á þann fund.
Á föstudaginn í næstu viku, 18. september, er starfsdagur hjá starfsfólki og nemendur því í fríi þann dag. Til stóð að fara á Haustþing KSNV þennan föstudag en það var fellt niður vegna covid. Í staðin mun starfsfólk skólans, sem og starfsmenn íþróttamannvirkja sitja námskeið á vegum Barnaheilla sem ber yfirskriftina Verndarar barna. Um er að ræða gagnvirkt námskeið til að koma í veg fyrir, þekkja og kunna að bregðast við kynferðisofbeldi á börnum.
Annars gengur lífið sinn vanagang hjá okkur, allir sprækir.
Við vonum að þið njótið helgarinnar
Með góðum kveðjum
Sara Diljá og Guðrún Elsa
Lesa meira
10.09.2020
Valgreinar á unglingastigi eru ansi fjölbreyttar í vetur og má þar nefna hestaval. Þeir nemendur sem það völdu voru það margir að skipt var í tvo hópa og fer hver hópur í útreiðatúr einu sinni í viku fram í miðjan október. Eins og myndirnar sýna þá eru nemendur himinlifandi með þetta framtak.
Lesa meira
