Fréttir

Starfsfólk Höfðaskóla óskar nemendum og fjölskyldum þeirra gleðilegs sumars.

5. bekkur tók höndum saman og gengu í hús og söfnuðu fé til styrktar ABC barnahjálp. Samtals söfnuðu þau 38.820. Kærar þakkir til allra þeirra sem tóku vel á móti krökkunum og styrktu um leið ABC barnahjálp.

Ærslabelgurinn kom úr vetrardvala í dag og nýttu nemendur 2.-4.bekkjar sér það til að hoppa og skoppa. Belgurinn verður opinn frá 12-20 alla daga.

Miðvikudaginn 3. apríl stóðu kennarar Höfðaskóla fyrir menntabúðum fyrir kennara í Húnavatnssýslum. Þeir kennarar sem mættu gátu valið sér örnámskeið þar sem þeir kynntust ýmsum smáforritum og skipulagssverkfærum sem notuð eruð við kennslu og kennsluskipulag í Höfðaskóla. Þetta er í annað sinn sem menntabúðir eru haldnar á vegum skólanna í Húnavatnssýslum, en Blönduskóli reið á vaðið í fyrra. Vonandi eru svona menntabúðir komnar til að vera því það er hægt að læra svo margt af hvert öðru.