22.08.2022
Heil og sæl kæru foreldrar/forráðamenn
Nú líður að skólabyrjun og verður skólasetning með sama hætti og á síðasta skólaári.
Skólasetning fyrir skólaárið 2022-2023 fer fram miðvikudaginn 24. ágúst 2022. Nemendur
mæta beint í skólann í sínar heimastofur í fylgd með foreldrum/forráðamönnum og eru
tímasetningar sem hér segir:
9:00 - yngsta stig
9:30 - miðstig
10:00 - unglingastig
Í haust eru skráðir 66 nemendur í Höfðaskóla og verða skóladagar 175 talsins.
Breytingar hafa orðið á starfsmannahaldi en eins og tilkynnt var á skólaslitum s.l. vor létu
Erna Berglind og Óli Benna af störfum og hefur Rakel Jensína Jónsdóttir hafið störf í
Höfðaskóla.
Umsjónarkennarar í ár verða:
1. og 2. bekkur - Inga Jóna Sveinsdóttir
3. og 4. bekkur - Vigdís Elva Þorgeirsdóttir
5., 6. og 7. bekkur - Halla María Þórðardóttir og Þorgerður Þóra Hlynsdóttir
8., 9. og 10. bekkur - Dagný Rósa Úlfarsdóttir og Elva Þórisdóttir.
Frístund verður starfrækt með svipuðu sniði og undanfarin ár og er hún í boði fyrir nemendur
á yngsta stigi eftir að kennslu lýkur á daginn. Starfsmenn frístundar verða Erna Ósk
Guðnadóttir og Rakel Jensína Jónsdóttir. Frístund verður í boði endurgjaldslaust fyrir alla
nemendur á yngsta stigi út ágúst. Eftir það hafa aðeins skráðir nemendur aðgang að frístund
en skráning fer fram hér.
Breyting verður á mötuneytismálum og mun mötuneyti ekki taka til starfa núna strax í
skólabyrjun. Nemendur hafa því val um að fara heim í hádeginu eða koma með auka nesti
sem þau geta borðað í skólanum, gæsla verður á staðnum og er í boði að hita í örbylgjuofni,
grilla í samloku grillum eða fá soðið vatn t.d. út á núðlur. Um leið og fyrirkomulag mötuneytis
í vetur liggur fyrir fáið þið upplýsingar um það.
Við munum áfram bjóða upp á hafragraut á morgnanna áður en kennsla hefst og verður
hann í boði frá fyrsta kennslu degi, fimmtudaginn 25. ágúst. Haddý sér um grautinn í vetur.
Sund verður áfram kennt á mánu- og þriðjudögum og mun Kiddi sjá um akstur til og frá
sundlaug.
Ekki hika við að hafa samband ef spurningar vakna.
Ég óska ykkur öllum velfarnaðar á nýju skólaári og hlakka til að vinna með ykkur. Sjálf verð
ég áfram í 50% starfi til áramóta.
Skólaárið 2022-2023 hefst miðvikudaginn 24. ágúst og þar með segi ég Höfðaskóla settan.
Kær kveðja
Lesa meira
08.06.2022
Kæru skólavinir
Nú er enn eitt skólaárið runnið sitt skeið, skólaár sem einkenndist bæði af takmörkunum vegna heimsfaraldurs og hefðbundins skólastarfs.
Skólaslitin okkar fóru fram í Fellsborg 31. maí s.l. og heppnuðust mjög vel. Það eru alltaf blendnar tilfinningar að slíta skóla og halda út í sumarið og sérstaklega munum við sakna þeirra sem útskrifuðust og halda nú á nýjar slóðir.
Skólaárið okkar var fjölbreytt og skemmtilegt, nemendur unnu fjölbreytt verkefni og heilt yfir gekk allt vel. Við erum dugleg að setja myndir og fréttir á heimasíðuna af öllu því sem við erum að gera hverju sinni og hvetjum ykkur til að vera dugleg að fylgjast með henni.
Skólaslitum fylgja gjarnan mannabreytingar og nú í ár kveðjum við þau Ernu Berglindi Hreinsdóttur og Ólaf Bernódusson, sem bæði hafa starfað við skólann til fjölda ára. Við munum sakna þeirra mikið og þökkum þeim kærlega fyrir þeirra góða starf í gegnum árin.
Við þökkum sömuleiðis öllum forráðamönnum fyrir gott samstarf á skólaárinu og minnum á mikilvægi þess að muna að við erum öll saman í teymi. Það skiptir öllu máli að skólasamfélagið vinni vel saman og vinni stöðugt að því að viðhalda jákvæðum skólabrag.
Við vonum að þið njótið sumarsins kæru vinir, skólasetning Höfðaskóla fyrir skólaárið 2022-2023 fer fram 24. ágúst og verður nánar auglýst þegar nær dregur.
Með sumarkveðjum
Sara Diljá og Guðrún Elsa
Lesa meira
31.05.2022
Í dag fóru nemendur Höfðaskóla í ratleik um bæinn. Tveir leikir voru í gangi, einn fyrir yngsta stig og annar fyrir mið-og unglingastig. Stöðvarnar voru fjölbreyttar og skemmtilegar og var leikurinn frábær endir á góðu skólaári.
Lesa meira
31.05.2022
Í dag, á síðasta skóladegi nemenda, fengu allir nemendur skólans folf disk í gjöf frá foreldrafélagi skólans. Nýverið var settur upp frísbígolfvöllur á Skagaströnd sem er mjög vel heppnaður. Völlurinn verður vígður formlega fimmtudaginn 9. júní, en hefur nú þegar opnað og hvetjum við foreldra til að taka hring með börnunum sínum á vellinum góða.
Það er dýrmætt fyrir skólasamfélagið að eiga öflugt foreldrafélag og þökkum við þeim kærlega fyrir þessa góðu gjöf.
Lesa meira
30.05.2022
Nemendum unglingastigs bauðst að læra að prjóna í einni af valgreinum unglingastigs í vetur.
Þeir sem það völdu prjónuðu annað hvort húfu eða ungbarnahosur og nokkrir gerðu bæði. Þar lærðu þeir grunnatriði prjóns svo sem að fitja upp, slétt prjón og garðaprjón, útaukningar og úrtökur til hægri og vinstri, stroffprjón og að fella af.
Hér má sjá myndir af afrakstrinum.
Lesa meira
30.05.2022
Skólaslit Höfðaskóla fara fram í Fellsborg þriðjudaginn 31.maí n.k. og hefjast kl. 17:00.
Meðan á skólaslitum stendur eru nemendur beðnir um að sitja hjá forráðamönnum. Nemendahópar eru kallaðir upp á svið ásamt sínum umsjónarkennara þar sem þeir fá afhentan vitnisburð, byrjað á 1. og 2. bekk og svo koll af kolli.
Að skólaslitum loknum verður kaffihlaðborð fyrir 10.bekkinga, aðstandendur þeirra og starfsfólk skólans.
Skólaslitin eru öllum opin og vonumst við til að sjá sem flesta.
Við þökkum fyrir gott samstarf á liðnum vetri og hlökkum til að takast á við verkefnin sem framundan eru í samvinnu við nemendur, aðstandendur og samfélagið allt.
Hafið það sem best í sumar
Starfsfólk Höfðaskóla
Lesa meira
27.05.2022
Heil og sæl
Síðasta heila vikan í Höfðaskóla þetta skólaárið gekk vel. Nemendur hafa verið í námsmati og brallað ýmislegt annað skemmtilegt þess á milli.
Í næstu viku verður umhverfisdagur hjá okkur á mánudaginn og ratleikur á þriðjudaginn. Allt nánara skipulag þeirra daga mun berast foreldrum/forráðamönnum frá umsjónarkennurum. Frístund verður verður með hefðbundnu sniði þessa daga.
Við minnum á mikilvægi þess að hafa nemendur klædda eftir veðri þessa tvo daga þar sem allt nám fer fram utandyra.
Við vonum að þið eigið góða helgi
Með góðum kveðjum
Guðrún Elsa og Sara Diljá
Lesa meira
27.05.2022
Krakkarnir á miðstigi fengu frábært fólk til sín í heimsókn á miðvikudaginn 25 maí frá Biopol. Þau Judith og Morten komu og voru með geggjað sýningu og kennslu fyrir krakkana frá kl. 10-12 sem lukkaðist afar vel. Þau lærðu margt skemmtilegt t.d. hvernig maður nær fram DNA úr banana, kíví og tómötum, muninum á basa og sýru, efnaskipti og efnahvörf og margt fleira skemmtilegt. Einnig eins og að sjá hvernig fílatannkrem virkar.
Við viljum þakka þeim kærlega fyrir þetta frábæra framlag.
Lesa meira
24.05.2022
Breyting verður á skólatíma nemenda á mánudag og þriðjudag í næstu viku.
Mánudaginn 30. maí er umhverfisdagur og hefst á hefðbundnum tíma, kl. 8:20, hafragrautur í boði. Skóla lýkur á hádegi, matur í Fellsborg og frístund tekur við beint eftir mat.
Þriðjudaginn 31. maí hefst skóli kl. 9:00, hafragrautur EKKI í boði. Skóla lýkur kl. 12:00, ekki matur í Fellsborg heldur pylsuparty í skólanum. Frístund eftir hádegi.
Ekki verður sundkennsla þessa tvo daga.
Skólaslit Höfðaskóla fara svo fram í Fellsborg kl. 17:00, þriðjudaginn 31. maí.
Lesa meira
20.05.2022
Heil og sæl
Þá eru einungis tvær vikur eftir af skólaárinu. Nemendur eru ýmist langt komnir eða hafa lokið námsmatsverkefnum sínum.
Nú styttist í skólaslit Höfðaskóla en þau fara fram í Fellsborg, þriðjudaginn 31. maí kl. 17:00.
Nemendur í 10.bekk fóru í skólaferðalag í vikunni. Fóru meðal annars á kajak, paddle board og í Fontana á suðurlandinu. Ferðalangar fengu þokkalegt veður og komu endurnærð til baka.
Nemendur á yngsta stigi fóru dagsferð í Skagafjörðinn. Skoðuðu Glaumbæ, fóru á sýninguna 1238 og svömluðu í sundlauginni í Varmahlíð.
Uppstigningardagur er á fimmtudaginn í næstu viku og verður því vikan í styttra lagi.
Þar sem mikið verður um útivist næstkomandi tvær vikur væri gott ef foreldrar myndu passa að nemendur séu klæddir eftir veðri og með sólarvörn.
Við vonum að þið njótið helgarinnar
Með góðum kveðjum
Sara Diljá og Guðrún Elsa
Lesa meira
